Учуутал уонна иитээччи күнүгэр анаммыт тэрээһин
Алтынньы 6 күнүгэр культура сынньалаҥ киинэ уонна олохтоох библиотека Аҕа сүбэһит уонна учуутал сылынан, Учуутал уонна иитээччи күнүгэр анаммыт “Үрдүккэ сырдыкка үөрэтэр, үтүөнү кэрэни үксэтэр” учууталлар уонна иитээччилэр күрэхтэрин тэрийдилэр. Далыр орто оскуолатын 2 хамаандата уонна оҕо уһуйаанын 1 хамаандата кыттыыны ыллылар.
Аан дойдутааҕы Аҕам саастаахтар күннэрэ
Алтынньы 5 күнүгэр нэһилиэк культуратын сынньалаҥ киинэ уонна олохтоох библиотека Аан дойдутааҕы Аҕам саастаахтар күннэригэр анаммыт “Сааһырыы эмиэ кэрэлээх” – диэн араас күрэхтэрдээх дьоро киэһэни тэрийдилэр. Ону тэҥэ “Ааспыт кэм ахтылҕана” фотозонаҕа ыҥырыылаах ыалдьыттар астына, дуоһуйа хаартыскаҕа түһэн бардылар.
Далыр орто оскуолатын 4 кылааһын үөрэнээччилэрэ
Алтынньы 4 күнүгэр Далыр орто оскуолатын 4 кылааһын үөрэнээччилэрэ, кылаас салайааччыта Семенова Антонина Петровна, кэлэн ыалдьыттаан, хамаанданан күрэхтэһэн бардылар. Ону таһынан Далыр орто оскуолата 110 сааһын туолар Үбүлүөйдээх сылынан, “110 Үтүө дьыала” чэрчитинэн нэһилиэк библиотекатыгар кинигэ бэлэх ууннулар! Библиотека аатыттан улахан махталбытын биллэрэбит!
