Кулун тутар 24 күнүгэр ыраах сытар Өргүөт нэһилиэгиттэн Далыр нэһилиэгэр Алгыстаах чороон кэллэ.
Бу тэрээһин улууспутугар Олоҥхо ыһыаҕа саҕаланара 100 күнүн бэлиэтиир дьоро тэрээһинтэн саҕаланна, улууспут аҕа баһылыга Владимир Семенович Поскачин Үөһээ Бүлүүгэ Олоҥхо ыһыаҕын көрсө уонна ийэ тыл сылынан 100 күн устата улууспут бары нэһилиэктэринэн, тэрилтэлэринэн Алгыстаах чороону ыытта.
Өргүөттээҕи култуура киинин үлэһиттэрэ уонна “Үмүлүүн” эбээ түмсүүлэрэ Алгыстаах чороону Далыр нэһилиэгин олохтоохторугар үөрүүлээх быһыыга-майгыга туттардылар.
Далыр нэһилиэгин “Уйгу” эбээ түмсүүтэ кэлбит ыалдьыттары итии чэйдээх, толору астаах сандалынан көрүстүлэр.
Бу курдук, Алгыстаах чороон аны улуус 16 нэһилиэгин кэрийэрэ хаалла. Салҕыы Алгыстаах Чороон Маҥаас нэһилиэгин олохтоохторугар айанныаҕа.