Муус устар 3 күнүгэр Горнай улууһун “Мытаах” нэһилиэгэр улуустааҕы аһаҕас «Куйуур-2022» күрэҕэ буолан ааста. Күрэххэ Горнайтан, Үөһээ Бүлүүттэн, Амматтан барыта 6 хамаанда кыттыыны ылла.
Бу күрэххэ Үөһээ Бүлүү улууһун Далыр нэһилиэгин хамаандата олус ситиһиилээхтик кытынна диэн бэлиэтиэххэ наада. Далыр нэьилиэгин хамаандата: Филиппов Леонид Егорович, Михалев Дмитрий Дмитриевич, Андылырова Сардана Михайловна уонна Далыр орто оскуолатын 8 кылааһын үөрэнээччитэ Данилов Саша.
Курэх хамандыыра Филиппов Леонид кэпсиир: “Биһиги бастаан Далыр нэһилиэгэр ыытыллыбыт “Куйуур – 2022” күрэххэ хамаанда тэринэн кыттан 1-кы миэстэни ылбыппыт, онтон сиэттэрэн Горнай улууһун Мытаах нэһилиэгэр улуустааҕы аһаҕас “Куйуур – 2022” күрэххэ кытта барар чиэскэ тиксибиппит. Барарбытыгар “Далыр нэһилиэгэ” МТ баһылыга Георгий Егорович ейеен, массыына уларсан ыыппыта. Мытаах нэһилиэгэр тиийбиппитигэр биир дойдулаахпыт, кулууп дириэктэрэ Владимир Николаевич Акимов кулууп дьиэ5э олус истиҥник көрсөн аһатан, кэнсиэр, музей көрдөрбүттэрэ. Сорохпут ыалынан, сорохпут кулуубунан хоммуппут. Мытаах нэһилиэгин баһылыга, Далырдар күтүөппүт Иван Егорович Петров кэргэнинээн Сардана Лаврентьевналыын дьиэлэригэр ыҥыран ыалдьыттаппыттара, истиҥник кэпсэппиппит. Сарсыныгар сарсыарда Дьокуускай куораттан “Далыр” түмсүүлэрин салайааччыта аҕам саастаах Софронов Кирилл Егорович, Габышев Владимир Дмитриевич, Степанов Пантелеймон Иннокентьевич, Майоров Лаврентий Сергеевич 1-кы Үөдүгэй былааҕын илдьэ уонна күрэҕи көрө, биһиэхэ ыалдьа кэлбиттэр этэ. Күрэхтэһии 1-кы түһүмэҕэр Куйуурдааһыҥҥа биьиги хамаанда 1-кы миэстэни буолбуппут уонна «Саамай улахан балык» номинация5а тиксибиппит. 2-с түһүмэххэ Эстафетаҕа – 2 миэстэ, 3-с түһүмэххэ Хомуур тустууга – 2 миэстэ, 4-с түһүмэххэ Мас тардыһыытыгар – 4 миэстэ уонна Ойбон алларыытыгар – Михалев Дмитрий 2 миэстэ буолбута. Хас түһүмэх аайы тус-туһунан мэтээл, грамота биэрбиттэрэ. Онон уопсай түмүккэ 2 миэстэни ылан үөрүү-көтүү өрөгөйүн биллибит. “Далыр” түмсүүлэрэ 1-кы Үөдүгэй былааҕын биһиэхэ бэлэхтээбиттэрин дойдубутугар илдьэ кэллибит. Уонна тумуккэ Горнай улууьун Мытаах нэьилиэгэр олорор Далыртан теруттээх дьоммутугар олус учугэйдик керсубуттэригэр, Дьокуускай куоракка олорор “Далыр” тумсуулэрин а5ам саастаахтарыгар, биьиэхэ кэлэн ыалдьыбыттарыгар уонна “Далыр нэһилиэгэ” МТ баһылыга Георгий Егоровичка махталбытын тиэрдэбит, еруу маннык тумсуулээх, кыайыылаах-хотуулаах буолуоххайын!” – диир хамандыыр Леонид Филиппов.
Онон Горнай улууһун “Мытаах” нэһилиэгэр улуустааҕы аһаҕас «Куйуур-2022» курэххэ Үөһээ Бүлүү “Далыр” нэһилиэгин хамаандата 6 хамаандаттан, 4 түһүмэх түмүгүнэн уопсай түмүккэ 2 миэстэни ылан үөрүү-көтүү өрөгөйун аҕаллылар. 1 миэстэ – Амма “Аба5а” нэһилиэгин хамаандата. 3 миэстэ – Горнай “Мытаах” нэһилиэгин хамаандата буоллулар. Леонид Егорович хамаанда тэринэн кыттыбыккытыгар, нэһилиэккит аатын ааттаппыкытыгар барҕа махталбытын тиэрдэбит! Өрүүтүн көхтөөх буоларгытыгар баҕарабыт!