“ДОРУОБУЙА ХАРЫСТАБЫЛА” национальнай бырайыак чэрчитинэн бэриллибит мобильнай массыына Далыр нэһилиэгэр кэлэн үлэлээтэ - Далырская сельская библиотека – филиал №18

Вход в личный кабинет

Далырская сельская библиотека – филиал №18

“ДОРУОБУЙА ХАРЫСТАБЫЛА” национальнай бырайыак чэрчитинэн бэриллибит мобильнай массыына Далыр нэһилиэгэр кэлэн үлэлээтэ

11 апреля, 2022

Үөһээ Бүлүү улууһугар ааспыт сыл бүтүүтэ “ДОРУОБУЙА ХАРЫСТАБЫЛА” национальнай бырайыак чэрчитинэн мобильнай массыына, ол эбэтэр көһө сылдьан үлэлиир массыына бэриллибитэ. Бу массыына муус устар 5 күнүгэр “ДОРУОБУЙА” күнүн көрсө Далыр нэһилиэгэр кэлэ сырытта. Далыр нэһилиэгэр ДОГВН, ПМО кэрэ аҥардарга диспансерицазия буолла. Бу үлэ искэн ыарыы бэлиэлэрин эрдэттэн көрдүүр-чинчийэр сыаллаах уонна кэмигэр эмтиир-томтуур соруктаах буолар.
Нэһилиэк участковай балыыһатын участковай сиэстэрэтэ Сардана Федотова:
Улуус балыыһатыттан үрүҥ халааттаах аанньалларбыт акушер-гинеколог Антонина Алексеевна Аланаева, смотровой хос акушерката Лия Руфовна Егорова кэлэ сырыттылар. Далыр нэһилиэгэр барыта 59 кэрэ аҥар, 10-тан тахса подростковай саастаах уонна 3, 6 саастаах кыргыттары көрөн-истэн, сүбэ-ама биэрдилэр, эмп анаатылар, сорохтору салгыы улууска көрдөрө баралларыгар сүбэлээтилэр.
Далыр нэһилиэгин олохтооҕо Федосия Винокурова:
Мобильнай массыына, о.э. көһө сылдьан үлэлиир массыынаҕа үлэбэр сылын аайы санитарнай ааһарбар көрдөрүннүм. Идэлээх, үрүҥ халааттаах быраастар олус кичэллээхтик көрдүлэр, сүбэ-ама биэрдилэр. Массыына иһэ аныгылыы хааччыллыылаах, киирэргэ-тахсарга олус табыгастаах, кирилиэстэрин үктэлэ резиналаах уонна тутуһар сыҥаһалаах, үс идэлээх үлэһит (специалист) тэҥинэн көрөр дьоҕус хостордоох, көрүдүөрдээх, барыта орун-оннугар, сып-сырдык, ып-ыраас.
Улуус салалтатыгар, доруобуйа харыстабылыгар үлэлиир салайааччыларга уонна мобильнай биригээдэ быраастарыгар хас биирдии киһини олус кичэллээхтик көрбүттэригэр барҕа махталбытын тиэрдэбит.

11.04.2022

Үөһээ Бүлүү улууһугар ааспыт сыл бүтүүтэ “ДОРУОБУЙА ХАРЫСТАБЫЛА” национальнай бырайыак чэрчитинэн мобильнай массыына, ол эбэтэр көһө сылдьан үлэлиир массыына бэриллибитэ. Бу массыына муус устар 5 күнүгэр “ДОРУОБУЙА” күнүн көрсө Далыр нэһилиэгэр кэлэ сырытта. Далыр нэһилиэгэр ДОГВН, ПМО кэрэ аҥардарга диспансерицазия буолла. Бу үлэ искэн ыарыы бэлиэлэрин эрдэттэн көрдүүр-чинчийэр сыаллаах уонна кэмигэр эмтиир-томтуур соруктаах буолар.
Нэһилиэк участковай балыыһатын участковай сиэстэрэтэ Сардана Федотова:
Улуус балыыһатыттан үрүҥ халааттаах аанньалларбыт акушер-гинеколог Антонина Алексеевна Аланаева, смотровой хос акушерката Лия Руфовна Егорова кэлэ сырыттылар. Далыр нэһилиэгэр барыта 59 кэрэ аҥар, 10-тан тахса подростковай саастаах уонна 3, 6 саастаах кыргыттары көрөн-истэн, сүбэ-ама биэрдилэр, эмп анаатылар, сорохтору салгыы улууска көрдөрө баралларыгар сүбэлээтилэр.
Далыр нэһилиэгин олохтооҕо Федосия Винокурова:
Мобильнай массыына, о.э. көһө сылдьан үлэлиир массыынаҕа үлэбэр сылын аайы санитарнай ааһарбар көрдөрүннүм. Идэлээх, үрүҥ халааттаах быраастар олус кичэллээхтик көрдүлэр, сүбэ-ама биэрдилэр. Массыына иһэ аныгылыы хааччыллыылаах, киирэргэ-тахсарга олус табыгастаах, кирилиэстэрин үктэлэ резиналаах уонна тутуһар сыҥаһалаах, үс идэлээх үлэһит (специалист) тэҥинэн көрөр дьоҕус хостордоох, көрүдүөрдээх, барыта орун-оннугар, сып-сырдык, ып-ыраас.
Улуус салалтатыгар, доруобуйа харыстабылыгар үлэлиир салайааччыларга уонна мобильнай биригээдэ быраастарыгар хас биирдии киһини олус кичэллээхтик көрбүттэригэр барҕа махталбытын тиэрдэбит.

11.04.2022