Муус устар 9-10 күнүгэр Дьокуускай куоракка Саха АССР тэриллибитэ 100 сылыгар аналлаах Саха сирин историктарын уонна кыраайы үөрэтээччилэрин республикатаа5ы кэмпэриэнсийэтэ буолан ааста.
Кулун тутар 19 күнүгэр Үөһээ Бүлүү улууһугар Саха Өрөспүүбүлүкэтэ төрүттэммитэ 100 сылын көрсө кэмпэриэнсийэ 4 араас хайысхаҕа арахсан буолбута. Онно үчүгэй дакылааттар талыллан Дьокуускай куоракка барар чиэскэ тиксибиттэрэ.
Үөһээ Бүлүү улууһуттан барыта 11 киһи баран кыттыыны ылбыттарыттан, Далыр нэһилиэгиттэн үс аҕам саастаахтар баран кытыннылар. Ол курдук Саха Ɵрөспүүбүлүкэтин үөрэҕириитин үтүөлээх улэһитэ Аксаков Анатолий Софронович, Далыр оскуолатын учуутала, түмэлин үлэһитэ Габышева Альбина Спиридоновна уонна Ороһутааҕы норуот педагогикатын түмэлин үлэһитэ Осипова Валентина Захаровна.
Кэмпэриэнсийэҕэ бастыҥнарынан ааҕыллыбыт үлэлэр Саха АССР тэриллибитэ 100 сылыгар аналлаах хомуурунньукка бэчээттэнэр буоллулар. Манна биһиги улуустан 4 үлэ киирбититтэн иккитэ Далыр нэһилиэгин олохтоохторо буоллулар, ол курдук Анатолий Софронович уонна Валентина Захаровна дакылааттара киирдилэр.
Улуус салалтатыгар, кэмпэриэнсийэҕэ көҕүлээн, тэрийэн илдьэ сылдьыбыт Бурхалей Степанович Макаровка уонна Далыр нэһилиэгин устуоруйатын уонна кыраайы үөрэтэр дьоммутугар Анатолий Софроновичка, Альбина Спиридоновнаҕа, Валентина Захаровнаҕа улахан махталбытын тиэрдэбит.

12.04.2022 сыл.