Российскай Федерацияҕа – норуоттар култуурнай нэһилиэстибэлэрин, Саха Республикатыгар Ийэ,
Үөһээ Бүлүү улууһугар Ийэ тыл сылларынан,
Саха АССР төрүттэммитэ 100 сылыгар аналлаах
«Түһүлгэлээн түмсэбит, төлкөбүтүн түстүүбүт»
улуус общественнай түмсүүлэрин күнүгэр биһиги нэһилиэктэн «Уйгу» эбээ түмсүүтэ киирэн кыттыыны ылла.

Муус устар 14 күнүгэр Үөһээ Бүлүү улууһун Оройуоннааҕы култуура киинигэр Российскай Федерацияҕа – норуоттар култуурнай нэһилиэстибэлэрин, Саха Республикатыгар Ийэ, Үөһээ Бүлүү улууһугар Ийэ тыл сылларынан, Саха АССР төрүттэммитэ 100 сылыгар аналлаах «Түһүлгэлээн түмсэбит, төлкөбүтүн түстүүбүт» улуус общественнай түмсүүлэрин күнүгэр биһиги нэһилиэктэн «Уйгу» эбээ түмсүүтэ киирэн кыттыыны ылла.
Күрэх сыалынан-соругунан: Саха Өрөспүүбүлүкэтигэр бигэргэтиллибит гражданскай актыбыыс күнүн үрдүк таһымҥа бэлиэтээһин, биирдиилээн талааннаах дьоҥҥо болҕомто ууруу, улуус сайдыытыгар кылаатын киллэрсэр общественнай түмсүүлэри өйөөһүн.
«Уйгу» эбээ түмсүү чилиэнэ Галина Николаевна Тюкянова:
«Биһиги Далыртан Федотова Авлафена Егоровна, Одолунова Мария Петровна, Петрова Татьяна Афанасьевна, Акимова Наталья Иннокентьевна, Герасимова Наталья Васильевна, Михайлова Клара Николаевна уонна мин Тюкянова Галина Николаевна буолан барбыппыт. Сарсыарда 10 чааска тиийбиппит. «Түһүлгэлээн түмсэбит, төлкөбүтүн түстүүбүт» улуус общественнай түмсүүлэрин күнүн үөрүүлээх арыллыыта буолбута. Барыта 12 түмсүү кэлбит этэ. Салгыы 3 араас күрэх буолбута, ол курдук – «Ийэ сылаас мичээринэн» – общественнай түмсүүлэр ийэлэрин күрэҕэ, «Өбүгэм үйэлээх мала» – дьиэ кэргэн илдьэ сылдьар сыаналаах былыргы малын күрэҕэ, «Тыл олох муудараһа» – Үөһээ Бүлүү улууһугар Ийэ тыл сылыгар аналлаах бэриллибит тиэмэҕэ тута хоһуйуу күрэҕэ. Бу күрэххэ 12 түмсүүттэн 7 түмсүү кыттыыны ылбыта.
«Ийэ сылаас мичээринэн» общественнай түмсүүлэр ийэлэрин күрэҕэр «Уйгу» эбээ түмсүүтүн аатыттан Клара Николаевна Михайлова кыттан «Амтаннаах астаах Хотун Ийэ» анал аат ылан үөрүүбүтүн үксэппитэ, ону таһынан “Далыр нэһилиэгэ” МТ баһылыга Георгий Егорович Махтал суругун туппута. «Өбүгэм үйэлээх мала» – дьиэ кэргэн илдьэ сылдьар сыаналаах былыргы малын күрэҕэр Авлафена Егоровна Федотова, «Тыл олох муудараһа» – Үөһээ Бүлүү улууһугар Ийэ тыл сылыгар аналлаах бэриллибит тиэмэҕэ тута хоһуйуу хоһоон күрэҕэр Мария Петровна Одолунова актыыбынай кыттыыны ылбыттара.
Бу 3 араас күрэх түмүгүнэн Саха сиригэр общественность күнүнэн 2019-2020-2021 сс. тиһигин быспакка таһаарыылаахтык үлэлээбит общественнай түмсүү диэн Добун сурук 3 Үрдэлин уонна 7000 сууммалаах подарочнай сертификат ылбыппыт.
Түгэнинэн туһанан, “Далыр нэһилиэгэ” МТ баһылыга Георгий Егорович Ивановка өрүү биһигини өйүүрүгэр, ейдүүрүгэр уонна салайааччыбытыгар Надежда Васильевнаҕа махталбытын тиэрдэбит».
Билигин да5аны араас курэхтэр, тэрээьиннэр “Уйгу” эбэ тумсуутэ суох ааспат. “Уйгу” общественнай тумсуугэ уонна салайааччы Надежда Васильевнаҕа өрүү көхтөөх, эдэрдии эрчимнээх, кытаанах доруобуйалаах буоларгытыгар баҕарабыт! Биьиги кинилэринэн киэн туттабыт, холобур оҥостобут.

21.04.2022 сыл