НЭҺИЛИЭККЭ ААҔАР БАЛАҔАНТАН

Урукку таҥара дьиэтигэр Донской Дмитрий Иванович-Чөрөктүүрэп 1927 сыллаахха бастакы ааҕар балаҕаны тэрийбитэ, киниэхэ олохтоох оскуола учууталлара көмөлөһөллөрө. Ааҕар балаҕан сүрүн соругунан партия уонна советскай правительство ыытар политикатын дьон олоҕор тургэнник киллэрии буолара. Дьону бүттүүн үөрэхтээһин, комсомол ыытар үлэлэрэ, нэһилиэккэ, улууска ыытыллар улахан сүҥкэннээхэй событиелар, мунньахтар, съезтэр барыта ааҕар балаҕаҥҥа ыытыллаллара. Ол саҕана дьоннор биирдиилээн алаастарынан тарҕаһан олороллоро уонна үөрэҕэ суох буоланнар араас сонуну, саҥаны ааҕар балаҕаҥҥа кэлэн билсэллэрэ.

Нэһилиэк культурнай-сырдатар киининэн библиотека буолар. 1927 сыллаахха Донской Дмитрий Иванович тэрийбит ааҕар балаҕаныгар кыра соҕус библиотекалааҕа. Онно Баскарова Екатерина Николаевна, Оросутцева Клара Ксенофонтовна (1939с.), Донской Николай Афанасьевич (1943 с.), Васильев Василий Васильевич (1942-1946 сс.), Саввинова Екатерина Павловна (1943с.), Ильина Марфа Ивановна (1947с.), Николаев Николай Сергеевич (1949с.) үлэлээбиттэрэ.  Ол салгыы тэнийэн, кэлин олохтоохтор туппут  кулууп биир хоһугар көһөрүллэн, араас кэмнэргэ библиотекарынан   Еремисов Петр Васильевич, Харабаев Николай Иванович (1950с.), Спиридонова Анна Терентьевна (1953-55сс.), Седалищева Анна Степановна (1955-63 сс.), Иванова Мария Николаевна (1963-74 сс.), Попов Виталий Николаевич (1972 с.), Герасимова Анна Иннокентьевна, Лазарева Мария Михайловна (1966-67 сс.), Иванова Марина Степановна (1975-79 сс.), Хогурова Татьяна Никитична (1979с.), Анисимова Мария Егоровна (1980-83 сс.), Саввинова Галина Афанасьевна (1984-87 сс.), Петрова Ольга Петровна (1988сс), Донская Валентина Егоровна (1989-2009 сс.), Гаврильева Лира Ивановна (2009с.), Софронова Ефросиния Егоровна (1995-98 сс., 2010-2018 с.),  Семенова Кристина Степановна (2018-20 с.), Акимова Александра Васильевна (2020 с.) үлэлээбиттэрэ. Библиотекардар бэйэлэрин үлэлэрин таһынан кулууп ыытар бары үлэтигэр активнай кыттыыны ылаллара.