Ленин орденынан наҕараадаламмыт Николаев Иван Григорьевич (1930–1989) Мэйиккэ, Ороһуга, Күүлэккэ биригэдьиирдээбитэ. Талааннаах салайааччы буолан, 1970-71 сылларга бригада үрдүнэн 2500 кг. үүтү биир ынахтан ыаннар, Күүлэти республикаҕа тиийэ биллэр бригада оҥорбута сыаналанан, 1971 сыллаахха Ленин орденынан наҕараадаламмыта.

Холкуоска, совхозка сылгыһыттар биригэдьиирдэринэн, булчутунан үлэлээбит Гаврильев Афанасий Титович (1927–1986) дьиэ кэргэниттэн уола Гаврильев Константин Афанасьевич (03.04.1958с.т.) совхозка трактористаабыта, шофердаабыта, механиктаабыта, Далырга Үөһээ Бүлүүтээҕи ОДьКХ филиалын начальнигынан үлэлиир. Кини оҕолоро Гаврильев Альберт Константинович (29.05.1985 с.т.) ОДьКХ ГУП Үөһээ Бүлүүтээҕи филиалын директорынан үлэлиир. Иккис уола Гаврильев Эдуард Константинович (04.10.1986 с.т.) «Водоканал» АО Үөһээ Бүлүүтээҕи филиалын начальнигынан үлэлиир.

Суруйдулар Далыртан Аксаков А.С., Акимова А.В.  03.02.2023 с.