Жирков Илларион Илларионович   1937 сыллаахха Үөһээ Бүлүүгэ фельдшерынан үлэлии кэлбитэ. Аҕа дойду Улуу сэриитин кэмигэр оройуон райздравын сэбиэдиссэйинэн уонна байыаннай фельдшерынан ананан үлэлээбит.  Жирков Илларион Илларионович 1945 сыллаахха Далыр балыыһатыгар фельдшерынан ананан кэлбитэ. 1968 сылга дылы дьоҥҥо-сэргэҕэ үтүө суобастаахтык үлэлээн (31 сыл), элбэх киһи тыынын өрүһүйэн, олохтоохтор махталларын-хайҕабылларын ылбыта. Киниэхэ доруобуйа харыстабылын туйгуна ааты иҥэрбиттэрэ.

Ыал ийэтэ Золотарева Мария Михайловна (17.12.1926 с.т., Ньурба) 1944 сыллаахха Бүлүүгэ алта ыйдаах медсестра курсугар үөрэммитэ уонна 1945 сыл кулун тутарыгар Далыр балыыһатыгар ананан үлэлии кэлбитэ. 1950 сыллаахха Үөһээ Бүлүүгэ көһөн үлэлээбиттэрэ. Онтон 1958 сыллаахха иккиһин көһөн кэлэннэр 1968 сылга дылы үлэлээбиттэрэ. Онтон эмиэ Үөһээ Бүлүүгэ көһөннөр үлэлээбиттэрэ. Мария Михайловна барыта 32 сыл медсестранан үлэлээн доруобуйа харыстабылын туйгуна буолбута, 1975 сыллаахха пенсияҕа тахсыбыта.

Кыыстара Жиркова Галина Илларионовна (1945 с.т.) Мэҥэ Хаҥалас Булгунньахтааҕар педиатрынан үлэлээбитэ, СР үтүөлээх бырааһа буолбута, СР «Гражданскай Килбиэн» знагынан наҕараадаламмыта, билигин республиканскай балыыһаҕа быраастыыр (46 сыл). Кэргэнэ Иван Семенович Трофимов Хаҥалас оройуоннай балыыһатын кылаабынай бырааһынан үлэлээбитэ (… сыл), эмиэ СР үтүөлээх бырааһа буолбута. Жирков Михаил Илларионович (28.08.1946-2007 ) кэргэнэ медсестра Полина Александровна (… сыл). Сиэннэрэ Игнатьев Николай фельдшерынан үлэлээбитэ 10 сыл буолла, Жиркова  Полина Михайловна Якутскайга медколледжка үөрэнэр,

Илларион Илларионовичтан уонна Мария Михайловнаттан саҕалаан дьон доруобуйатын туһугар күннэтэ охсуһар, үрүҥ тыынныыр Жирковтар эмчит династиялара үөскээн тахсар. Барыларын ити үлэҕэ анаабыт сылларын ууннары тардан көрдөххө сүүһүнэн сыллар тахсаллар. Оччоҕуна туоҕунан да сатаан кэмнэммэт, баараҕай тиит мас элбэх лабаатыныы, көстүү тахсан кэлэр. Өрүү үүнэ, силигилии турдун!

Суруйдулар Далыртан Аксаков А.С., Акимова А.В.  03.02.2023 с.