Саппахтаах санааны сайыннарар,

Саҥаны сарбынньахтыыр,

Көппөҕүрбүт көхсүнү көччүтэр,

Көҥүлү этитэр этэр тыл иччитэ…

Алампа

Бүгүн, олунньу ый 18 күнүгэр Төрөбүт тыл күнүгэр аналлаах өрөспүүбүлүкэтээҕи “Сахалыы дьыктаан” суруйуута буолан ааста. Гавриил Васильевич Баишев – Алтан Сарын (1898-1931) – саха суруйааччыта, тылбаасчыт, лингвист, саха сирин реформатора, общественнай диэйэтэл, XX үйэ саҕаланыытын саха интеллигенциятын биир чаҕылхай бэрэстэбиитэлэ. Дьыктаан тиэксэ Алтан Сарын “Тоҕус этиҥ тойуга” айымньытыттан ылыллыбыт. Дьыктаан барыта 210 тылтан турар.

Дьыктааҥҥа уопсайа 10 киһи кыттыыны ылла. Дьыктаан түмүгүнэн Добун сурук “Бастыҥтан бастыҥ суруксут” аат иҥэрилиннэ Лазарева П.М., “Бастыҥ суруксут” аат иҥэрилиннэ Семенова М.В., “Үчүгэй суруксут” ааты ыллылар Ломпордурова В.Н. уонна Федотова С.В. Дьыктааҥҥа кыттыыны ылбыттарга Туоһу сурук туттарылынна. Бары кыттыыны ылбыттарга барҕа махталбын тиэрдэбин 🙌🏻, өрүү итинник көхтөөх уонна актыыбынай буолуҥ 🙌🏻