Еремисов Семен Егорович – Сэмэккээн (1869 с.т.) Суор Мөрөөйүтүгэр олорбуттара.
Еремисов Яков Семенович (1905-1945с.) Далыр оскуолатын үрдүкү кылаастарыгар үөрэнэ сылдьан (1927с.) учууталлыыр үлэтин саҕалаабыт, кэлин Бүлүүгэ (1928-29с) үөрэнэн математика учуутала буолан Бүлүүгэ Хампаҕа (1930-1933с.) оҕолору үөрэппит, онтон Якутскайга пединститутка (1933-37с.) үөрэммит, онтон Үөһээ Бүлүүгэ 1937-39 с. учууталынан, 1939-40с. завуһунан, 1942с. райОНО инспекторынан, 1943-45с. начальнай оскуолаҕа учууталынан үлэлээбит (15 сыл) .
Еремисов Василий Семенович (14.01.1903-1964 с) 1933-38 с. Мэйик начальнай оскуолатыгар сэбиэдиссэйинэн, 1938-42 с. Далыр начальнай оскуолатыгар, 1942-44 с. Дүллүкү начальнай оскуолатыгар, 1944-61 с. Далыр оскуолатыгар учууталлаабыта, өр сыллаах үлэтэ “Бочуот Знага” орденынан бэлиэтэммитэ (28 сыл).
Кини кыыһа Миронова Розалия Васильевна (1935-2002 с.) нуучча тылын уонна литературатын учуутала буолан 1954 с. Маҥааска, 1955-60 с. Далырга, 1961-63 с. Үөһээ Бүлүүгэ, 1963-99 с. Ньурбаҕа, барыта 45 сыл үлэлээбитэ, ССРС, Россия үөрэҕириитин туйгуна буолбута.
Кэргэнэ Ньурбаттан история учуутала, педагогическай наука кандидата буолбут, Миронов Александр Александрович (… сыл). Кыыстара Миронова Галина Александровна (1962 с.т.) ЯГУ ИФФ үөрэнэн учуутал (37 сыл).
Еремисова Екатерина Семеновна (01.11.1910 с.т.) кэргэнэ Дмитриев Сергей Николаевич(Ньуурукап) оскуолаҕа директорынан үлэлээбитэ. Сиэннэрэ (Егорова Валентина Сергеевна кыргыттара): 1. Егорова Екатерина Семеновна Далыр детсадыгар иитээччинэн, Үөһээ Бүлүүтээҕи СПТУ-10, гимназияҕа история уонна обществоведение учууталынан, райОНО-ҕа методиһынан үлэлээбитэ (… сыл), Россия профтех үөрэхтээһинин туйгуна, уопсай орто үөрэхтээһинин бочуоттаах үлэһитэ буолбута. 2. Егорова Раиса Семеновна Уус-Алдан Мүрүтүгэр уруһуй, черчение уонна дизайн учууталынан үлэлиир (… сыл).
Сиэнэ (Дмитриева Мария Сергеевна Анна диэн биир кыыстаах) Трофимова Анна Андреевна Ньурба оскуолаларыгар, техническэй колледжка, лицейга математика учууталынан, райОНО-ҕа методиһынан үлэлиир (43 сыл). кэргэнэ Петров Николай Николаевич физика учуутала, уопсай үөрэхтээһин бочуоттаах үлэһитэ, Саха сирин үөрэҕириитин туйгуна, техническэй лицей информатикаҕа учуутала (38 сыл). Кыыстара Захарова Мария Николаевна ХИФУисторическай факультетыгар үөрэммитэ, онтон университетка үлэлиир (13 сыл).
Еремисова-Саввинова Марина Григорьевна (1912-1977) кийиитэ (Михалев Анатолий Петрович кэргэнэ) Поскачина Мария Ивановна (1946 с.т.) Боотулууттан оскуолаҕа 1968-1994 с. пионер баһаатайынан, учууталынан, иитээччинэн үлэлээбитэ (26 сыл).
Сиэннэрэ (Михалева Надежда Петровна оҕолоро): 1. Илларионова Анастасия Григорьевна (06.09.1981 с.т.) Далырга, онтон Дүллүкүгэ оскуолаҕа история учууталынан, иитэр үлэҕэ директоры солбуйааччынан үлэлиир (2008 сылтан = 14 сыл). 2. Илларионов Николай Григорьевич (18.03.1983 с.т.) Далырга оскуолаҕа физкультура учууталынан үлэлээбитэ (2007-08 с.=2 сыл).
Еремисов Николай Семенович (01.05.1915-1966 с) 1932-33 с. Кырыкый начальнай оскуолатыгар учууталынан, сэбиэдиссэйинэн, 1934-35 с. Далыр начальнай оскуолатыгар сэбиэдиссэйинэн, 1936-42 с. Онхой начальнай оскуолатыгар сэбиэдиссэйинэн, 1943-45 с. Далыр оскуолатыгар директорынан, 1946 с. завуһунан, 1947 с. саха тылын уонна литературатын учууталынан, 1948 с. Боотулуу оскуолатыгар завуһунан, 1949 с. учууталынан, 1950-52 с. Далыр оскуолатыгар учууталынан,1953-54 с. директорынан, 1955-64 с. учууталынан, 1965-66 с. завуһунан үлэлээбитэ (34 сыл). Сыралаах үлэтэ “1941-45 с. килбиэннээх үлэтин иһин” мэтээлинэн (1946 с), “Бочуот Знага” орденынан (1954 с) бэлиэтэммитэ, 1962 с. Саха АССР үтүөлээх учуутала буолбута.
Кыыстара Иванова Валентина Николаевна (1938-2002) Далырга, Хороҕо, Мэйиккэ пионер баһаатайынан, нуучча тылын уонна литературатын, төрүт культура учууталынан үлэлээбитэ (1962-2002 с. = 40 сыл), Саха Республикатын үтүөлээх учуутала буолбута. Кэргэнэ Иванов Николай Яковлевич география учууталынан, Мэйиккэ оскуола директорынан үлэлээбитэ (1965-1988 с. =23 сыл.). Оҕолоруттан: 1. Уоллара Еремисов Михаил Николаевич (1961-2009 с) физкультура учууталынан, тренеринэн Далыр оскуолатыгар, Үөһээ Бүлүүгэ оҕо спортивнай оскуолатыгар, үөрэх управлениетыгар методиһынан үлэлээбитэ (1886-2009 = 23 сыл), Саха Республикатын үөрэҕириитин туйгуна буолбута. Сууккалаан сүүрүүгэ идэтийэн Саха Сиригэр чэпчэки атлетикаҕа бастакынан аан дойду кылаастаах спорт маастара буолбута, Россия сборнайыгар киирсэн Европа чемпионатыгар ситиһиилээхтик кыттыбыта, ”Саха Сирин 20-с үйэҕэ спортка лауреата” , “20-с үйэ бастыҥ чэпчэки атлета” диэн ааттар хаһаайыннара буолбута. 2. Кыыстара Семенова Дария Николаевна (1972-2002) Мэйиккэ, Далырга начальнай кылаас учууталынан үлэлээбитэ (1999-2002 с. =4 сыл). 3. Кыыстара Иванова Зинаида Николаевна 1996 сылтан Якутскай Аллараа Бэстээххэ начаалынай оскуола учууталынан, 2015 сылтан Томпо оройуонун Хаандыга нэһилиэгэр Горно-геологическай техникумҥа общежитие сэбиэдиссэйинэн, 2020 сылга Томпо оройуонугар Үөрэҕирии управлениетыгар организационно-правовой боппуруостарга отдел начальнигынан, 2021 сылтан Саһыл орто оскуолатыгар директорынан үлэлиир (1996-2022=26 сыл). 4. Кыыстара Иванова Марина Николаевна 2019 сылтан Нам оройуонугар «Ромашка» оҕо саадыгар физинструкторынан үлэлиир (2019-2022=3 сыл).
Кинилэр сиэннэрэ (Иванов Анатолий Николаевич уола) Иванов Анатолий Анатольевич (09.04.1991 с.т.) информатика учууталынан, оскуола директорынан Далырга, Туобуйаҕа, Мэйиккэ үлэлиир (2014 сылтан = 8 сыл).
Еремисова Раиса Семеновна (25.02.1917 – 01.2000с.) 1936-38 с. Онхой, 1939-46 с. Далыр, 1946-53 с. Үөһээ Бүлүү, 1954 с. Маҥаас, 1955-59 с.Үөһээ Бүлүү, 1960-63 с. Далыр, 1964-67 с. Кырыкый оскуолаларыгар учууталынан, интернат сэбиэдиссэйинэн, иитээччинэн үлэлээбитэ (32 сыл), “1941-45 с. килбиэннээх үлэтин иһин” , “ В.И.Ленин 100 сыла” мэтээллэринэн наҕараадаламмыта.
Суруйдулар Далыртан Аксаков А.С., Акимова А.В. 03.02.2023 с.
