Донской Михаил Софронович (1919-1983 с) үйэтин тухары сибээскэ почтаҕа начальнигынан, монтерунан, радиһынан үлэлээбитэ (1942-1978=36 сыл). Кини оҕолоруттан:

 Донской Дмитрий Михайлович (12.06.1949 с.т.) Далырдааҕы АТС-ка радистаабыта, телестанцияҕа операторынан үлэлээбитэ (22 сыл). Уола Андрей Дмитриевич (05.07.1984 с.т.) ЯГУ-га ФизТеҕы бүтэрэн «Сахателеком» Якутскай ГТС-ка инженердыыр (2007 сылтан = 15 сыл).

Донской Валерий Михайлович (01.06.1950 с.т.)  1975 – 2015 с. = 40 сыл Далырдааҕы АТС-ка электромеханигынан үлэлээбитэ, СР сибээһин бочуоттаах үлэһитэ (2006 с), Далыр нэһилиэгин бочуоттаах олохтооҕо (2016 с) буолбута.

Донская Мария Михайловна (28.10.1957 с.т.) оскуола кэнниттэн телефонистканан, онтон Сахателекомҥа операторынан үлэлээбитэ (9 сыл), уола Иванов Владимир Анатольевич (1982 с.т.) Якутскайга  Саха интернетка үлэлиир (27 сыл).

Донской Виктор Михайлович (11.04.1954 с.т.) Үөһээ Бүлүүгэ Сахателекомҥа монтерунан, линейнай учаастак начальнигынан 45 сыл үлэлээбитэ.

Суруйдулар Далыртан Аксаков А.С., Акимова А.В.  03.02.2023 с.