Күүлэккэ ыанньыксыттар биригээдэнэн хас биирдии ынахтан 2000-2500 кг ыаннар оройуоҥҥа, республикаҕа биллибиттэрэ. Ол кэмнэргэ бииргэ төрөөбүттэр «Михайловтар династиялара» диэн ааттара оройуоҥҥа доргуччу ааттанара. Кинилэр:
Михайлова Анна Игнатьевна (1928-2012), Бочуот Знага орденынан наҕараадаламмыта. Кини оҕолоро Семенова Валентина Семеновна (21.03.1955 с.т.), Семенова Розалия Семеновна (23.02.1959 с.т.), күтүөтэ Николаев Руслан Иванович (1960 с.т.) эмиэ ыанньыксытынан үлэлээбиттэрэ.
Михайлова Мария Игнатьевна (1930-1995) эмиэ үйэтин тухары холкуоска, совхозка ыанньыксытынан үлэлээбитэ. Кинилиин кыыһа Михайлова Тамара Ивановна (26.07.1961с.т.) 3 сыл үлэлээбитэ.
Михайлов Иван Игнатьевич (1939-1992) Бочуот Знага орденынан наҕараадаламмыта. Кини кэргэнэ Васильева Анна Григорьевна (1931-2003) Үлэ Кыһыл Знамята орденынан наҕараадаламмыта. Кини кыыһа Трофимова Валентина Егоровна (1953 с.т.) 2 сыл, кийиитэ Светлана Иннокентьевна (1960 с.т.) эмиэ үлэлээбиттэрэ.
Михайлов Василий Игнатьевич (1932-1995) фермаҕа тас үлэһитинэн сылдьыбыта. Кэргэнэ Гаврильева Татьяна Андрияновна (1926-1990) ыанньыксыттаабыта.
Суруйдулар Далыртан Аксаков А.С., Акимова А.В. 03.02.2023 с.
