Вход в личный кабинет

Бастакылартан биирдэстэрэ – Оруоһуннар династиялара.

1-й Үөдүгэй нэһилиэгин оҕолоруттан Оруоһуннар кыыстара Рожина Елизавета Петровна биир бастакынан медик үөрэҕэр үөрэммитэ, олоҕун устатын тухары фельдшердаабыта.

Рожина Елизавета Петровна
Егоров Яков Петрович

Елизавета Петровна 1939 сыллаахха Далыр сэттэ кылаастаах оскуолатын үөрэнэн бүтэрбитэ, салгыы үөрэнэн фельдшер буолан 1946-47 сылларга балыыһаҕа үлэлээбитэ, 96 сааһыгар (2013 с) Якутскай куоракка олорон өлбүтэ.

            Кэргэнэ Кэнтиктэн Егоров Яков Петрович (1914-1986) Далырга 1943-46 сылларга быраастаабыта, кэлин Саха АССР, РСФСР үтүөлээх бырааһа буолбута, 40-ча сыл Сунтаар, Ньурба, Үөһээ Бүлүү оройуоннарыгар кылаабынай бырааһынан үлэлээбитэ, 18.08.1971 сыллаахха Ленин орденынан наҕараадаламмыта. 

Оҕолоруттан: 1. Егорова Вера Яковлевна Ньурбаҕа врач – гинеколог, СР үтүөлээх враһа, РФ уонна СР доруобуйа харыстабылын туйгуна, кэргэнэ хирург-врач, СР үтүөлээх враһа, СР доруобуйа харыстабылын туйгуна Руслан Захарович Жирковтыын ыал буоланнар Айталина, Айсен диэн оҕолордоохтор.

2. Егорова Айталина Руслановна СР доруобуйа харыстабылын туйгуна, Якутскайга 1-й №-дээх поликлиника кылаабынай враһын солбуйааччыта.

Егорова Вера Яковлевна
Жирков Руслан Захарович
Жиркова Айталина Руслановна

3.Егорова Надежда Яковлевна (1952-1989) Үөһээ Бүлүүгэ 16 сыл фармацевтаабыта, эдэр сааһыгар ыалдьан өлбүтэ.

4. Егоров Петр Яковлевич (1949-1995) врач-дерматолог.

5. Егоров Алексей Яковлевич (1957 с.т.) Якутскайга врач-анестезиолог, «Алмазы Анабара» АК үлэлиир.

Егорова Надежда Яковлевна
Егоров Петр Яковлевич
Егоров Алексей Яковлевич

Елизавета Петровна дьонноро Оруоһуннар убайдара Семен Рожин тулаайах хаалбыт оҕолорун ииттибиттэрэ, үөрэттэрбиттэрэ. Рожин Пантелеймон Семенович Павловскайга фельдшердаабыта, кэлин Далырга кэлэн балыыһаҕа биир сыл, оройуон кылаабынай бырааһынан үлэлээбитэ, онтон кэргэннэнэн атын сиргэ көспүтэ. Рожин Пантелеймон Семенович кэргэнэ фельдшер Докторова Мария Игнатьевна, Бычырдаан бииргэ төрөөбүт балта, Сунтаарга олоро сылдьыбыттара. Пантелеймон Семенович иккиһин кэргэннэнэн атын оройуоҥҥа көһөн үлэлээбитэ.

Рожин Пантелеймон Семенович
Мария Игнатьевна Докторова, Рожин Пантелеймон Семенович.

Суруйдулар Далыртан Аксаков А.С., Акимова А.В.  03.02.2023 с.

Вход

Введите логин и пароль, указанные при регистрации