Бүгүн, о.э. олунньу 22 күнүгэр Далыр олохтоох бибилэтиэкэтэ уонна Далыр орто оскуолата Аҕа дойдуну көмүскээччилэр күннэригэр аналлаах “Уол оҕо – биһиги кэскилбит” күрэх (8-11 кылаас уолаттарыгар) ыыттыбыт. Бары да билэрбит курдук, ханнык баҕарар омук, инники кэскилэ ыччат, онтон норуоту хамсатар күүһүнэн уол оҕо буолар. Күрэххэ барыта 8 уол кытынна. Күрэх иннигэр “История праздника” патриотическай час уонна “Үүнэр бэрээдэгинэн байыаннай званиелары ааттаталаа” разминка-оонньуу буолла. Ону тэҥэ “Налево! Направо! Кругом!” оонньуу ыытылынна. “Уол оҕо – биһиги кэскилбит” күрэх уопсайа 6 түһүмэхтэн турда. Ол курдук:
- Викторина “Мозговой штурм”
- “Неполная разборка и сборка автомата”
- “Неполная разборка и сборка автомата с завязанными глазами”
- “Дартс”
- “Снаряжение магазина патронами”
- “Отжимание от пола”
Уһун, сылаалаах, эппиэтинэстээх күрэх түмүгүнэн 1 миэстэни ылла 11 кылаас үөрэнээччитэ Семенов Сергей, 2 миэстэни 10 кылаас үөрэнээччитэ Егоров Харысхал, 3 миэстэни 11 кылаас үөрэнээччитэ Тимофеев Богдан ыллылар.
Кыттыбыт уолаттарбытыгар эҕэрдэбитин тиэрдэбит уонна “Аҕа дойдуну көмүскээчилэр” күннэринэн туох баар эр хоһууттары барыгытын эҕэрдэлиибит. Баҕарабыт кытаанах доруобуйаны, бары үчүгэйи, кэрэни, сырдыгы!
