Олунньу ый бүтэһик өрөбүлүгэр Саха Өрөспүүбүлүкэтигэр Доруобуйа национальнай күнэ бэлиэтэнэр. Бу күнү 2000 сыллаахха өрөспүүбүлүкэ бастакы бэрэсидьиэнэ Михаил Николаев чөл олоҕу түстүүр туһугар уонна XXI үйэҕэ норуот уйгутун үрдэтиигэ духуобунай, майгы-сигили уонна эт-сиин доруобуйатын бастакы суолталаах оруолун билинэн туран бигэргэппит.
Олунньу ый 28 күнүгэр Далыр нэһилиэгин олохтоох бибилэтиэкэтигэр Саха Өрөспүүбүлүкэтигэр Доруобуйа национальнай күнүгэр аналлаах “ДОРУОБУЙА АЗБУКАТА” кырачааннарга доруобуйа уруога буолла уонна “ДОРУОБАЙ БУОЛУУ – ОЛОХ ТӨРДӨ” кинигэ быыстапката турда.
Ол курдук бу уруокка оҕолор саҥаны, элбэҕи билэн, көрөн-истэн, оонньоон- көрүлээн, сорудахтары олус үчүгэйдик толорон бардылар.