Далыр нэһилиэгин өрөгөйүн ырыата
У. Ороһуунускай тыллара
В. Донской мелодията
Наакаантан төрүттээх нэһилиэк буоламмыт
Кэхтэри билбэтэх кэскилин айабыт,
Кэнчээри о5о5о саӊалыы анаммыт
Наадалаах оскуола боруогун аһабыт.
Хос ырыата:
До5ордуу дууһанан дьулуһан
Далырдар кылбаӊныы дайыа5ыӊ
Сахалыы сиэрдэри тутуһан
Сомо5о түмсэммит сайдыа5ыӊ
Далырга бастакы соругу сорунан
Дмитрий Донской ячейка тэрийтэ,
Кынаттаах хотойдуу, дьоруойдуу санаанан
Комсомол диэн сулустаах тылы иӊээртэ.
Хос ырыата:
Ɵлбүттэр бүгүӊӊү күннэрбит туһугар
Ɵрөгөй өйдөбүл, киэн туттуу аатыгар
Төлөннөөх кытыастар ол кэми саныа5ыӊ
Төлөннөөх ырыанан ыччакка салгыа5ыӊ.
Хос ырыата:
Дьэрэмиис учуутал а5атын уустара
Дьоһуннаах дьыаланан туртара үөрэтэ
Народнай учуутал Мэхээлэ са5ара
Нохтолоох сүрэ5э аан маӊнай тэппитэ.
Хос ырыата:
Оскуола-совхозтан үрдүкү үөрэххэ
Оӊкуллаах ыӊырыы бар дьоӊӊо таһааран
Сахабыт норуотун тускуллаах үрдүккэ
Соргулаан ыйбыта сырдыкка сандааран.
Хос ырыата:
Далыртан дайбыппыт
У. Ороһуунускай тыллара
В. Донской мелодията
Доҕордуу дууһанан долгуйан
Далырга үөрэммит эбиппит,
Кыайыыга-хотууга дьулуһан
Кылааттаах билиини билбиппит.
Хос ырыата:
Үбүлүөй аатыгар мустаммыт
Үөрүүгүн үллэстэн эрэбит,
Эйиэхэ махталы анааммыт
Эҕэрдэ истиҥин тиэрдэбит.
Учуутал үтүөҕэ, кэрэҕэ
Уһуйбут идэтин талбыппыт,
Сахалыы иҥэрбит үгэһэ
Сайдыыга биэрбитин ылбыппыт.
Хос ырыата:
Билиҥҥи көлүөнэ ыччаттар,
«Биһигини батыһыҥ!» – дэһэбит,
Дайарга кылбайыах кынаттар
Далыртан үүнэрин күүтэбит.
Хос ырыата:
Умнубат Далыырбыт
С. Дадаскинов тыллара
А. Федоров мелодията
Уһун сыл, оо, устуо,
Умнуохпут үһү дуо?
Эйигин – Далыыры
Эдэр саас сылларын.
Уоттааҕыҥ чараҥа
Угуйар, ыҥырар
Сунтаатыҥ кырдала
Суугунуу арыллар.
Арахпат эбиккин,
Ахтылҕан буолаҥҥын
Батыһар курдуккун
Бардахпыт аайытын…
Үөрэппит, эн ииппит,
Үрдүккэ көтүппүт
Үтүөҕүн биһиги
Өрүүтүн өйдүөхпүт.
Уһун сыл, оо, устуо,
Умнуохпут үһү дуо?
Эйигин – Далыыры
Эдэр саас сылларын!..
Дойдум миэнэ Далырым
Туола Тарбыанап тыллара
Ньургун Лукин мелодията
Дойдум миэнэ Далырым
Ахтан ааһар мин түөлбэм,
Эмис собо күөллэрдээх,
Өлгөм үүнэр сир астаах.
Хос ырыата:
Дьонум миэнэ эйэҕэс,
Сааскы күннүү сайаҕас,
Өркөн өйдөөх ыччаттаах,
Сахалыы ыраас куттаах.
Күммүт тахсар Уоттаахтан,
Киирэр күнүм Сунтаакка.
Үс күөлтэн ситимнээх,
Дойдум миэнэ Далырым
Хос ырыата:
Хоннох быттык быыһыгар,
Бигээ миигин, мин дойдум,
Куба көтөр сүрдээх,
Наакаан ууһа Далырым.
Уйбата харах уута
Туола Тарбыанап
Ыраахтан көһүннэ Далырым,
Тэкэндэм сыырын үрдүттэн,
Айаным аартыгын айаҕар,
Тоһуйа көрүстэ мин дойдум.
Уйан сүрэх үөрүүтэ,
Уйбата харах уута,
Ахтылҕан ыксары куустаҕа,
Дойдум сылаас салгына…
Сандаарар дэриэбинэм уоттара,
Сырдыкка ыҥыра угуйар,
Далырым эрэһэ долгуна,
Эҕэрдэ диэбиттии ыспахтыыр…
Дойдум дьоно сэргэтэ,
Дьоһуннук олорор эбиккит,
Дуоһуйа астына кэрийдим,
Дойдум ыллыгын суолунан.
Далырчаана
Туола Тарбыанап
Дойдум кыыһа Далырчаана,
Харах хатанар кыысчаана,
Сүрэх тэбэр нүөлүйэ,
Сүһүөх хамныыр долгуйа.
Устан аастыҥ Далырчаана,
Алаас сыта дыргыйа,
Көрөн турдум туймаара,
Тылтан матан дөйүөрэ.
Дойдум кыыһа Далырчаана,
Дьиҥнээх саха кыысчаана,
Хомус тыаһар уйдара,
Көтөн тахсыый куйаарга.
Кэрэ кыысчаан Далырчаана,
Ийэ кутуҥ бу манна,
Утум салгыаҥ бу сиргэ,
Халыҥ аймах хаҥата.
Таптыыбын мин Далырбын
Туола Тарбыанап
Таптыыбын мин Далырбын,
Тыа сирин дьонун,
Сахалыы ис куттаахтарын,
Истиҥ-эйэҕэс мичээрдэрин.
Таптыыбын мин Далырбын
Киэҥ нэлэмэн алаастарын,
Ньургуһун үүнэр халдьаайытын,
Сибэкки сэлэлиир хонуутун.
Сэргии көрөбүн Далырбын,
Далбар хотун эйэҕэстэрин,
Эр хоһуун уоланнар,
Эркин курдук эрэллээхтэрин.
Таптыыбын мин Далырбын,
Сэлэлии олорор дэриэбинэбин,
Сайдар суол тыргыллар,
Чэчирии сайда туруохтун…
