Хаһан да билбэт дьоҥҥутугар картаҕыт кэннигэр баар үс сыыппараттан турар куоду, пин – куоду уонна СМС нөҥүө кэлбит нүөмэри этимэҥ.
ТӨЛӨППҮӨН НӨҤҮӨ ТҮӨКҮННЭЭҺИН
!!! Эйиэхэ баантан эрийэллэр. Картаҕар баар харчыҥ сүтэр кутталанна, суһаллык атын сиргэ көһөрүөххэ диэн сорудахтыыллар. Картан дааннайдарын ыйыталаһаллар.
ТУГУ ГЫНАБЫТ?
ТУТАТЫНА КЭПСЭТИИНИ ТОХТОТ – ИТИ ТҮӨКҮТТЭР!
Картан кэннигэр баар баан анал нүөмэригэр эрийэн туоһулас. Баан үлэһитэ сиһилии быһааран биэриэ.
!!! Эйиэхэ эрийэннэр сүүйүү, төлөбүр уонна да атын харчы кэлиитин туһунан кэпсииллэр
ТУГУ ГЫНАБЫТ?
КАРТАН ДААННАЙДАРЫН БИЭРИМЭ!
Өскөтүн кэпсэтии бириэмэтигэр туох эрэ төлөбүрү оҥор диир буоллахтарына – бу түөкүттэр! Кэпсэтиини тохтот. Уонна саарбахтаабат гына ханнык тэрилтэни аатаабыттарынан киирэн анал саайтарын туоһулас.
!!! Эйиэхэ эрийэннэр чугас киһиҥ иэдээҥҥэ түбэстэ диэн харчы көрдүүллэр
ТУГУ ГЫНАБЫТ?
БАРЫТЫН СИҺИЛИИ ТУОҺУЛАС!
Аатын – суолун, ханнык тэрилтэттэн эрийэрин ыйыталас. Кэпсэтиини тохтот уонна чугас киһигэр эрийэн билис. Өскөтүн эриэйэн тиийбэтэх буоллаххына, этиллибит тэрилтэ анас нүөмэрин көрдөөн эрийэн туоһулас.
ИНТЕРНЕТ
!!! Харчыгын олус барыыстаах уурдарыыга сүбэлииллэр
ТУГУ ГЫНАБЫТ?
Бу саайты арый: WWW.CBR.RU/FINORG
Туох баар үп-харчы өттүгэр үлэлиир анал лицензиялаах тэрилтэлэр тустарынан Арассыыйа Баанын саайтыгар киирэн билиэххин сөп.
!!! Атыы – эргиэн саайтыгар (“Авито”, “Юла” уо.д.а) малы- салы уонна өҥөнү кыра сыанаҕа таһаарбыттар.
ТУГУ ГЫНАБЫТ?
ХАРЧЫГЫН ЭРДЭ ТӨЛӨӨМӨ!
Атыыһыты кытта кэпсэтэ сылдьан картан дааннайдарын этимэ. Эбии атын сыылкаларынан кииримэҥ. Биллэриилэр саайтарыгар “Безопасная сделка” диэн өҥөнөн туһанарыҥ эрэллээх.
СМС
!!! Эйиэхэ баантан СМС кэллэ:
- Хааччахтаммыт төлөбүр эбэтэр сабыллыбыт картан туһунан:
- Сүүйүү туһунан:
- Сыыһа ыытыллыбыт харчыны төптөрү ыыт диэн көрдөһүү:
ТУГУ ГЫНАБЫТ?
Сыылканы баттаама, ханна да эрийимэ!
Картан кэннигэр баар анал нүөмэртэн эрийэн туоһулас.
!!! Билэр киһиҥ социальнай ситим нөҥүө иэс көрдүүр эбэтэр эмтэнэргэр харчыта ыыт диир.
ТУГУ ГЫНАБЫТ?
Тутатына харчыны ыытыма!
Билэр киһигэр эрийэн туоһулас! баҕар кини аккаунун алдьаппыттара буолуо
АРАССЫЫЙА БААНЫН кытта билсэр нүөмэргит:
8 800 300 30 00 (дойдубут бары регионнарыттан эрийии босхо)
8 499 300 30 00 (Төлөбүрэ оператордар тарифтарыттан тутулуктаах)
300 (сотовайтан эрийдэххэ босхо)
Бу бэриллибит нүөмэрдэр тохтобула суох үлэлииллэр
АРАССЫЫЙА БААНА БЭЙЭТЭ БУ НҮӨМЭРДЭРТЭН ХАҺАН ДА ЭРИЙБЭТ
