Вход в личный кабинет

АҔА ДОЙДУ КӨМҮСКЭЛИГЭР

Далыр нэһилиэгиттэ сэрии сылларыгар 142 киһи ыҥырыллыбытыттан 92 киһи арҕаа, 50 киһи илиҥҥи фроҥҥа сылдьыбыттар, 56 киһи өлбүт уонна сураҕа суох сүппүт, 86 киһи төннөн кэлбит. кинилэр бары кырыктаах кыргыһыыга кыттыыны ылбыттара, сорохтор олохторун толук уурбуттара.

Кинилэртэн Албан Аат уордьаҥҥа түөрт төгүл түһэриллибит Титов Николай Михайлович (Күүлэт) Аҕа дойду сэриитин II степенэ, Кыһыл Сулус, Албан Аат III степенэ уордьаннарынан, “Хорсунун иһин”, икки “Бойобуой үтүөлэрин иһин” мэтээллэринэн наҕараадаламмыта.

Албан Аат уордьаҥҥа үс төгүл түһэриллибит Федоров Григорий Петрович (Фрунзе) Албан Аат III степенэ уордьанынан, “Хорсунун иһин”, “Бойобуой үтүөлэрин иһин” мэтээллэринэн наҕараадаламмыта.

Вход

Введите логин и пароль, указанные при регистрации