Вход в личный кабинет

Муус устар 18 күнүгэр “Кыым” № 15 хаһыатыгар Саха тылын тиэрминнэрин өрөспүүбүлүкэтээҕи хамыыһыйатын муус устар 10 күнүнээҕи мунньаҕын түмүгүнэн “Холоон көрүү быһыытынан, туттан барыахха сөп” диэн быһаарыллыбыт тыллар

Сэттиэлэ – нэдиэлэ оннугар

Аан күн – бэнидиэнньик

Ханыы күн – оптуорунньук

Орто күн – сэрэдэ

Чэбэр күн – чэппиэр

Чөл күн – бээтинсэ

Сүбэ күн – субуота

Өрөбүл – баскыһыанньа

Онон, бүгүҥҥэттэн саҕалаан бу тылбаастаммыт сэттиэлэ күннэрин сахалыы дьыалаҕа – куолуга, сурукка – бичиккэ, кэпсэтии тылыгар туттан барыахха сөп.

БИГЭРГИТИЛЛИБИТ ТЫЛЛАР:

СЭЛЭ – аллея, бульвар

КУОЛЛАҔАС – переулок

КУРДАТ СУОЛ – проезд

ҮӨС СУОЛ- проспект

АРАХСЫК- тракт

МУҤУР СУОЛ – тупик

ТЭРГЭН СУОЛ – шоссе

ТҮӨЛБЭ – микрорайон, квартал

КЫТЫЛ – набережная

АЛАР – парк

ТИКСЭЛ – порт

ТУЛАҺА – сквер

ТУМНАР СУОЛ – объезд

Биллэн турар, “бу сахалыы тылбаастаммыт тыллары күн сарсыҥҥаттан хайаан да туһанан барыахтааххын!” диир сыыһа. төһө эрэ кэм устата бу тыллар тэҥҥэ туттулла сылдьаллара өйдөнөр. Тэҥнэбилгэ, 1990 – с сылларга “ИЛ ТҮМЭН” диэн тыл саҥа киирэригэр бэчээккэ “аан дойдуга уопсай ылыныллыбыт парламент, парламентаизм диэн тыллар бааллар, ону тоҕо уларыта сатыылларый?” диэн суруйуу, соһуйуу- өмүрүү элбэх буолара. Билигин “ИЛ Түмэн” – бигэтик олоҕурбут саха тыла.

Лоп курдук 10 сыл анараа өттүгэр өрөспүүбүлүкэбит бэрэсидьиэнин дуоһунаһын сахалыы “ИЛ ДАРХАН” диэҥҥэ уларыппыппыт. Билигин ону ким да “сыыһа аат ылыныллыбыт” диэн сирбэт. Үөрэннибит.

Бу да тылларга – үөрэниэхпит. Туттан барыахха эрэ наада…

Иван Гаврильев ыстатыйатыттан.

Вход

Введите логин и пароль, указанные при регистрации