Саха Өрөспүүбүлүкэтин билиҥҥи былааҕа 1992 сыл алтынньы 14 күнүгэр Саха Өрөспүүбүлүкэтин Үрдүкү Сэбиэтин VI сиэссийэтин быһаарыытынан бигэргэммитэ.

Саха Сирин былааҕа  Российскай Федерация судаарыстыбаннай Геральдикатын эрэгиистиригэр 183 №-нэн киллэриллибитэ.

Былаах 4 өҥнөөх, ол курдук: от күөх – уйгу-быйаҥ, халлаан күөх – ыраас эйэлээх халлааны, кыһыл – олох кэрэтин ойуулуур, төрөөбүт дойдуга бэриниилээх буолууну — бэлиэтииллэр. Оттон былаах үөһэ ортотугар үрүҥ күн – өбүгэлэри кытары ситими көрдөрөр.