Тапталлаах оскуолан, туьунан

Хомо5ой тылынан хоьуйан

Хоьоонно суруйан бэлэхтээн,

Курэххэ кэтэхтэн кыттыьын,

Бартыбыал тутаммын мин эмиэ

Оскуола боруогун атыллыам,

Ман,найгы чуорааны истиэм диэн

Эрэнэ улаатан испитим…

Тапталлаах Далырым барахсан

Буолбатах маннайгы уруогум

Аарыма улахан оскуолам

Хаалбыта мин ба5а санаабар… ХВА

Оскуолам

Бу манна эрэ көрөбүн,

Үөрэнэн ааспыт кыһабын,

Билигин суох ончу онно,

Саба үүммүт эрбэһин.

Үгүс көлүөнэ мунчаара,

Хомолто тылларын этэллэр,

Кыайан кэлбэт харах уута,

Таастыйан хаалбыт сүрэххэ.

Уолҕамчы санаалаах саламта,

Сыыһа халты дьаһала,

Түмэл буолуохтаах кыһаны,

Урусхаллатан кэбистэ.

Үөрүүлээх үбүлүөйбүт эргиллиэ,

Үтүмэн көлүөнэ кэлиэҕэ,

Ибири сибири муннукка,

Көрсүөхпүт эбээт симиктик.

                                        Туола Тарбыанап.

Элбэххэ угуйан-уһуйан үөрэппит,

Оскуолабыт барахсан,

Олус да күндүгүн,

Ойор-тэбэр оҕо сааспыт,

Кэрэ кэмнэрин,

Күндүтүк ахтан,

Санаан ааһабын,

Ардыгар түһүүбүн

Үөрэнэ кэлэрбин,

Кылааспар чуо хааман тиийэрбин,

Ардыгар биримиэнэ быыһыгар

Кыргыттар турабыт сэргэстэһэн,

Сылаас батареяҕа өйөнөн.

Үөрэнэн бүтэн бараары,

Харахпынан көрдүүбүн дьүөгэбин,

Дьиэбэр аргыстаһан бараары,

Онтукам дьүөгэм барахсан

Барбыт буолара дьиэтигэр,

Ол онтон күүппэккэ

Барбыт диэммин

Ардыгар хомойор курдукпун,

Уон сыл элбэххэ

Үөрэммит

Оскуолабыт барахсан,

Олус да күндүтүк санатар,

Ол ааспыт кэрэ кэмнэрбитин,

Ама умнуохпут дуу,

Оҕо саас кэрэ иэйиилэрин,

Ама умнуохпут дуу,

Хатыламмат ол күндү түгэннэри.

                                                                         Надежда Васильевна Иванова

Ол оччолорго,

Оскуолаҕа үөрэнэр сылларбытыгар,

Араас субуотунньук тэрээһиннэрэ буолара,

Саас буоллар эрэ,

Олло соҕус оҕолор,

Ойуурга маска тахсарбыт,

Уолаттар мас эрбээн тиҥинэтэллэрэ,

Кыргыттар мас саһаанныырбыт,

Оллоон оттон,

Ол онно күөстэнэрбит,

Онтон тула мустан олорон,

Ким туох өйүөлээҕинэн,

Үссүнэн ыларбыт,

Оллооҥҥо буспут  күөс,

Олус да минньигэс буолара,

Айылҕа барахсан,

Чэбдик ыраас,

Мүөттээх  салгынынан,

Дуоһуйа тыынарбыт,

Ойор – тэбэр оҕо сааска,

Ардыгар мэниктээн ыларбыт,

Сороҕор сатыы кэлэрбит,

Уһун суолу устунан,

Үөрэн – көтөн мэниктээн,

Сылайары умнан,

Суолу билбэккэ кэлэрбит,

Өссө үөрэх быыһыгар,

Доярка солбуйа тахсарбыт,

Саас буоллар эрэ,

Субуруһан тахсаммыт,

Хотон хаарын түһэрэрбит,

Хаһан да умнуллубат түгэннэри,

Ахтан,санаан ааһабыт,

Аны хаһан да хатыламмат,

Ол кэрэ түгэннэри,

Олоххо,инникигэ

Эрэллээх,

Үлэҕэ,үөрэнэн, мискиллэн

Үлэһит дьон буоллахпыт.

                                                                      Надежда Васильевна Иванова

Далыр

Далыыр-Далыыр,

Дууһам ыллыыр

Далыыр-Далыыр,

Долгуйа үөрэбин.

Курдаттыы тартаран, ахтан

Тиийиэҕим  мин Далырбар.

Төлкөм  түстэммит сиригэр

Үөрэммит, үлэлээбит

Кырдьаҕас оскуолабар.

Сиидэс былаат оҕо сааһым

Күлэ-үөрэ сүүрэн кэлиэ

Сиэтэн илдьиэ күннээх алааска

Саҕаланыа дьикти көр-оонньуу.

Нуурал киэһэ сэмэй кыысчаан

Ньургуһуннаах халдьаайыга

Сэргэстэһэ  хаамыа сипсиһэ

Сүрэх кистэлин арыйа.

Эдэр сааһым көрсүө оскуолаҕа

Боччумура кэпсиэ ыра санаатын

Алтан чуораан алыптаах тыаһынан

Саҕаланыа дьикти айан-уруок.

Далыыр-Далыыр,

Дууһам ыллыыр

Далыр Далыр

Санаам сырдыыр

Курдаттыы тартаран, ахтан

Тиийиэҕим  мин Далырбар.

Төлкөм  түстэммит сиригэр

Үктэниэҕим  сэрэнэн

Сиидэс былаат оҕо сааһым

Күлэ-үөрэ сүүрэн кэлиэ

Күнүнэн туолбут алааска

Сиэтэн илдьэ көрүлүү.

Нуурал киэһэ сэмэй кыысчаан

Сүрэх кистэлин арыйа

Ньургуһуннаах халдьаайыга

Сипсиһэ  хаамыа сэргэстэһэ

Кырдьаҕас оскуолам ааныгар

Үөрэ көрсүө эдэр сааһым

Алтан чуораан алыптаах тыаһынан

Ыра санаатын Боччумура кэпсиэ

Талбыт суолум – учуутал буолуу

Саҕаламмыта манна Далырга.

Ааспыты Бүтэйдии сайыһа

Кытылбын маныыбын манньыйа

Далыр, Далыр, сүрэхпин аймыы

Дууһабын туттарбыт буоллаҕым.

                                                                                    Кононова Мария Николаевна

Оскуолаҥ кэтэһэр

Кэлээр оҕоккком барахсан

Ахтыбыт, суохтаабыт күннэргэр

Олох улахан суолугар

Дьолломмут , хомойбут кэмнэргэр.

Киирээр дии сэргэх үөрэнээччим

Ааммын тэлэччи аһаҥҥын

Чуҥкуйбут киэҥ барааммын

Сэргэхсит дуу бэйэҕинэн.

Манна баар халларбыт

Эн күндү кылаатыҥ –

Омуннаах оҕо сааһыҥ

Мэник тыала, күлүүтэ.

Чугдаарар ааспыт , билиҥҥи кэминэн

Умнбут, умнубатах сылларгынан

Чугдаарар ойор одҕо сааскынан

Көрдөөхтүк, курустук чуорааным.

Үрдүккэ көччүктээн көтүппүт

Үүнэр кэнчээри ыччаппын

Өрүү кэтэһэбин эрэнэ

Ахтар саныыр оскуолаҥ.

Кононова Мария Николаевна

Оскуолабыт барахсан

Орой мэник оҕолор

Оскуолаҕа киирбиппит

Буукубаны,ахсааны

Онно киирэн билбиппит

Оскуолабыт киэҥ да киэҥ

Өссө икки этээстээх

Үөһээ, аллараа сүүрэргэ

Олус даҕаны табыгастаах

Аалгыбыра уруогар

Сахсырҕаны истэрбит

Дьыграпыйа буоллаҕына

Сэһэн тэптэн буоларбыт

Физикаҕа бары да

Олус кыһаллар этибит

Билбэтэрбит даҕаны

Өйдөөх курдук туттарбыт

Химияҕа Сэмиэнэбинэ

Мэндэлиэйэп оҥорбутун

Эҥкилэ суох билэрбитин

Олус күүскэ ирдиирэ

Оскуолабыт барахсан

Элбэх оҕону ииттэҕэ

Көччөх гынан көтүттэ

Дьоһун дьону оҥорон

1985 сыл выпускнига

Артур Егоров. 25.02.2024 сыл

Дьиикимдэ,Горнай

Махтанабыт Учуталларбытыгар

Уһуйаантан эһиэхэ,

Үөрэх кыһатыгар,

Эһиги билиигититтэн,

Билии ылаары.

Учуутал аргыстаах,

Үөрэх кыһатын аанын боруогун атылаатыбыт

Маҥнайгы кылааска

Үөрэнэ киирдибит,

Сыл хоннук ааһан иһэр.

Учууталларга махтал,

Биһигини бэйэтин оҕолорун

Курдук бүөбэйдээн,

Иитэн такайан таһаараргар.

Ону биһиги оҕолор,

Истибэппит да бэрт,

Уруока үөрэммэкэ,

Таах мээнэ олорорбут,

Сорох утуйар,

Сорох үөрэнэр.

Учууталларбыт барахсаттар 

Биһигини баһаалыста

Үөрэнин дии– дии этэллэрэ,

Ону өссө өрө барарбыт.

Ону санаан көрдөхө,

Учуталлар барытын

Сөпкө этэллэр.

Кинилэр биһиэхэ,

Билии биэрэллэр.

Кинилэр бэйэлэрин,

Ирээттэрин үөрэммиттэрэ.

Биьиги сотору устудьуон,

Олоҕун билээри турабыт.

Бардахппытына ким да

Биһигини атаахтаппат.

Үөрэнэр буолаххытына үөрэнин,

Үөрэммэт буолахытына үөрэнимэн,

Диэн баран үүрэн таһаарыахтара.

Оннон оҕолор,

учууталларбытын убастааҥ,

Кинилэртэн сүбэтэ ылын.

Бары көхтөөхтүк,

Уруока кыттыҥ.

Семенова Агафья

Владимировна,

07.04.2015с. суруллубут хоһоон

Биһиги Далырга уерэммиппит

Эһиэ эһиэ эһиэкэй

Эҕэрдэлээх эһиэкэй

Чэйиҥ эрэ сэгэрдэр

Үөлээннээхэй доҕоттор

Ойор күннээх оҕо саас

Аргыстара дорообо

Үөрүүлэрдээх үбүлүөй

Өрөгөйдөөх күннэрэ

Үүммүтунэн эҕэрдэ

Айылҕаттан,дьоннортон

Көҥүллэтэн көрдөьөн

Алгыьынан саҥаран

Оһуо оһуо оһуокай

Уруйдардаах оһуокай

Бүтэй Бүлүү эбэбит

Бүгүн таҕын иҺигэр

Хоту кыйаар өттүгэр

Бүгэн саҺан үөскээбит

Түүкээн уонна Түҥ урэх

Тардыытыгар олохтоох

Ньүкэн саха дьонноро

Үйэ анараа өттүгэр

Оҕолорун тэрийэн

Киллэрбиттэр Далырга

Оскуолаҕа үөрэтэ.

Оччотооҕу Далырбыт

Арҕаа Бүлүү улууьун

Киинэ буолан килбэйэн

Таҥаратын дьиэтигэр

Көмүс куупал сандааран

Үөрэх сайдыы аартыгар

Сардаҥанан тыкпыта

Хараҥаны сырдатан

Орто үөрэх кыьатын

Бүтэрбиппит Далырга.

Олох ааьар-  кыл түгэн

Сөҕөн эрэ хаалаҕын.

Көлүөнэлэр дьэ бары

Уратылаах курдуктар  –

Олох дьаьах,кэм кэрдии

Оҥороро дьаҺайара

Чочуйара ол курдук

Сэрии сылын оҕолоро

Быьаарыылаах дьулуурдаах

Убай аҕа дьоннорбут

Корчагинныы ыччаттар

Сэрии кэннэ төрөөбүт

Толоругас аҺыныгас

Чиэһинэйдэр сэмэйдэр

Ыараханы тулуйан

Уйан кэлбит көлүөнэ

Аҕыйахпыт биһиги

Биэс уон сыллар кэнниттэн

Күргүөм үгүс көлүенэ

Кыахтаах куүстээх санаалаах

Кимэн кииртэ олоххо

Сэттэ уонтан тереебүт

Уйан кэрэ дууһалаах

Аҕа эһэ  көлүөнэ

Тапталыгар улааппыт

Олох кэрэ аналын

Билэн сайдан үөскээбит

Тоҕус уонус сыллартан

Олох тосту эргийэн

Сыаннастара уларыйан

Чачайбалыы да түспүт

Сылдьар ыырын кэҥэппит

Олох устун

Үөһүн былдьаспыт

ҮөҺэ илин дабайар

Сайдан иҺэр көлүөнэ

Былыр этэ дуу диэххэ

Үйгу сайын ыҺыаҕар

Мутукчабыт мүҥутуута

Кэҕэ этэн чоргуйара

Көстөр үрдүк халлаацца

Күөрэгэцбит көрүлүүрэ

Далыр кэрэ ыьыаҕар

Сибэккилээх хонууга

Оһуохайга эргийсэн

Оскуоланы бүтэрбит

Үөрүүбүтүн үллэстэн

Ойо көтө түспүппүт

Тарҕаспыппыт ол кэннэ

Оҕо эдэр этибит

Көрсө көрсө күлсэрбит

Эдэр туҥуй сүрэххэ

Иэйии куойуу элбэҕэ

Таптыыр кэрэ эдэр саас

Эргиллибэт билигин

Өйгө уонна сүрэххэ сөҥөн сылдьар буолуохтаах

Оһуо оһуо оһуокай

Сэрии кэннэ тереебут

Дьадаҥытык үөскээбит

Баары суоҕу баардылыыр

Үчүгэйи мөкүттэн

Үчүгэйдик араарар

Холкуос сопхуос тутуутун

Айан сырыы ырааҕын

Эти үүтү оҥоруу

АҺы үөлү дэлэтии

Ыараханын билбиппит

Оҕус көлө уурайан

Массыынаҕа олорор

Кэрдиис кэмин ааспыппыт

Сирбит баайын хостуурга

Сайдыы тиҺик сылларын

Кирбиилэрин ылбыппыт.

КиҺи аймах мунньубут

Үчүгэйин үтүөтүн

Өйүн төйүн санаатын

Кинигэттэн киинэттэн

Көрен билэн үтүктэн

Уйан кэрэ дууһалаах

Сайдан сиппит көлүөнэ

Удьуор уруу дьоннорбут

Твылга уонна сэриигэ

Келөһүнү тохпуттар

Аҕаларбыт буойуттар

Иитиллиибит итинник

Дьулуур тулуур муҥутуур.

Үтүө мааны майгылаах

Үөлээннэхэй дьоннорум

Өссө өрө чөрөйүҥ

Кырдьар диэни билимэҥ

Албын көлдьүн быҺыылар

Таарыйбакка аастыннар

Оһуо оһуо оһуокай

Оһуор үктүүр оһуохай

“КиҺи  буолан тереебүт

Үтүө ааты киэн тутта

Үлэлээммит хамсааммыт

Үчугэйи оҥороммут

Үйэлээҕи айаммытр

Кэнчээрини кэҥэтэммит

Олордцбут бу сиргэ

Такыр көмүс тарбахтан

КүлүүстэҺэ ⁰ тутуҺан

Тоҥолохтон тутуҺан

Саннылартан даҕайсан

Өттуктэртэн өйенсөн

Тэҥҥэ бииргэ үктэниҥ

Чэпчэкитик дугунуҥ

Эрэсиинэ сүҺүөххэ

Тэйэр курдук туттунуҥ

Бэгэччэхтээх бэрбээкэй

Битиилэрэ буоллунууй

Чэйиҥ эрэ көтүөҕүҥ

Тэйдэр тэйэн иҺиэҕиҥ

Дайдар дайан лаглайан

Көттөр көттөр көтүөҕүҥ

Күҥҥэ тиийэ көтүөҕүҥ

Санааларбыт саҥабыт

Куйаардарга көттүннэр

Эҕэрдэни эттиннэр

Иллээх эйэлээх олоххо

Уйгу быйаҥ буоллун диэн

Саргыланнын саха диэн

Айылҕаттан айыыттан

Сүгүрүйэ көрдөҺөн

Түмүктүөҕүҥ эргиири

ЭҺиэ эҺиэ эҺиэкэ

ЭҺиэкэйдиир эҺиэкэй

                                                                         Мария Тебенова

Биир үтүө күһүҥҥү сарсыарда

Сибэкки дьөрбөтүн тутаммыт,

Далырым икки мэндиэмэннээх

Оскуолатын боруогун атыллаабыппыт.

Ол сахха оскуолабыт ырааһын, киэҥин,

Ханна да суох оскуола курдуга,

Бастакы учууталбытын батыһан,

Кылааспытыгар киирбиппит.

Бастакы хоһооммутун ааҕаммыт,

Долгуйа өрүтэ тыыммыппыт,

Билии киэҥ аартыгар үктэнэр

Анал чаас үүммүтүн билбиппит.

Ол онтон элбэх сыл аастаҕа,

Санныга элбэх хаар уулуннаҕа,

Ол эрэн бу баар курдук саныыбын

Бииргэ үөрэммит оҕолорбун.

Кылааспытыгар бааллара

Тэкэндэ, Уоттаах кыргыттара,

Оройдорунан көрбүт уолаттар,

Сэмэйдик көрбүт Павлик,

Оттомноохтук саҥарар Славик,

Элбэх хоһоону билэр Таанньа,

Саҥата суох мичээрдиир Лаара

Уонна…

Оҕо сааһым арахсыспат аргыстара,

Оҕо сааһым үтүө дьүөгэлэрэ,

Олоҕум устата доҕордоһон кэлбит

Верам, Катям, Аанчыгым…

                                                         Аланаева Антонина Алексеевна

ОСКУОЛАМ БААР СҮРЭХПЭР

(Далыр орто оскуолатын 110 сыллаах үбүлүөйэ)

Орой мэник оҕо сааһым

Ойон ааспыт кэмнэрэ,

Дьикти-кэрэ түүл буолан,

Элэҥнэһэн ааһаллар.

Эргиллибэт кыра сааспын,

Сөҥөн сыппыт өйдөбүлү,

Оһох уотунуу күөдьүтэн,

Санатаннар ымсыырдаллар.

Оччоҕуна дууһабар

Истиҥ иэйии уһуктар,

Икки этээстээх  оскуолам

Харахпар илэ көстөр.

Өйбөр күүскэ хатаммыт

Оскуолам сааскы тиэргэнэ,

Оҕо аймах мунньустан

Оонньуур-көрүлүүр түгэнэ.

Истиэнэттэн өрө тэйэн,

Алтан харчы кыырайар,

Умсугуйан, ылларан,

Чыыхалыыллар уолаттар.

Ыскакаалка куһуурар,

Чэпчэки атах ойуолуур,

Килиэккэнэн ыстанан

Кыраайдыыллар кыргыттар.

Мээчик өрө күөрэҥниир,

Бысыһаллар, хабаллар,

Илин – кэлин түсүһэн,

Волейболу оонньууллар.

Алтан чуораан чугдааран,

Уруоктарга ыҥырар,

Сааскы күммүт сандааран,

Сайыспыттыы мичээрдиир…

Ити курдук элбэх түгэн

Ахтылҕаны көбүтэн,

Аймаһыта долгутан

Аттыбынан ааһаллар.

Билигин тиийэн  көрдөөн,

тымтыктанан да  булбаккын

Оҕо сааспын илдьэ барбыт

Ол мин мас оскуолабын.

Онно билигин  атын олох –

Саҥа оскуола кылбайар,

Дууһам ону ылыммат,

Атыҥырыыр, туоххаһыйар.

Эргэ саҥанан солбуллар –

Олох тыйыс сокуона.

Ол эрэн мин оскуолам

Баар, хаалыа сүрэхпэр.

                                       Оскуола 1972 сыллааҕы выпускнига,

                                              Аммосова (Устинова) Валентина Ивановна.

                             Уус Алдан улууһа, Бороҕон

Учуутал күнүнэн!

(РСФСР үөрэҕириитин туйгунугар,

СӨ үтүөлээх учууталыгар В.С.Ивановаҕа)

Учуутал!

Үөрүүлээх бу күҥҥэр

Эйиэхэ эҕэрдэ этэбит!

Сыралаах,сылаалаах үлэҕэр

Уостубат махталы тиэрдэбит!

Ийэлии эйэҕэс мичээрдээх

Киэҥ,сырдык кылааскар киирэҥҥин

Хаһан да кэхтибэт,үйэлээх

Сайдыыга,үүнүүгэ сирдиигин!

Чугдаарар чуорааныҥ арыаллаан,

Сүрэххин дууһаҕын уураҥҥын,

Хас биирдии оҕоҕо кыһанан

Билиигин биэрэҥҥин уунаҕын!

Үөрэтэр ол оҕоҥ кыайыыта–

Күннээҕи таласпыт ситиһииҥ!

Үрдүккэ,сырдыкка баҕата–

Тиллибит иитиэхтиир эрэлиҥ!

Оҕо саас бу дьоллоох күннэрэ

Ааһаллар оскуола биһигэр,

Учуутал такайан,кынаттаан

Ыыталыыр аартыкка таһааран.

Такайбыт дьонноруҥ улаатан,

Оргуйар олоххо киирэннэр,

Дьол-соргу уйатын тутуһан,

Төрөөбүт дойдуну симииллэр.

Үөрэппит ыччатыҥ,ытыктаан,

Сибэкки дьөрбөтүн уунуохтун!

Сахалыы иһирэх тылынан

Тапталын,махталын туойуохтун!

Винокурова Т.Е.Сабыйа,Маҥан с. .1966с.выпускник,1сыл саха тылыгар учууталлаабытым.

Бииргэ үөрэммит доҕотторум,

Ханнаҕытый билигин?

Дьылҕа – хаан ыйыытынан,

Тус – туспа дьылҕаланан,

Тус – туспа аналланан

Олох суолун устунан,

Айанныахпыт эрэллээхтик,

Олоруохпут бу сиргэ.

Уон сыл үөрэнэн, элбэҕи билэн,

Үтүө доҕоттордонон,

Билии аартыгар үктэнэн, идэ баһылаан,

ОЛох киэҥ суолугар айаннаан,

Кэллим мин бу олохпор,

Оскуолам барахсан,

Сүппэккин мин өйбүттэн,

Үтүө – мааны учууталлар,

Сыраларын биэрэн

Үөрэппит- такайбыт эбиттэр,

Кырдьан олорон билигин,

Эһиги – үтүөҕүт сүбэҕит

Үйэлэргэ бэриллибит,

Билиигит – көрүүгүт

Олоххо өрүү арыалллыыллар.

                                                          Егорова Екатерина Петровна.

Последний звонок.

Вот прозвучал последний звонок

На душе захлынул чувств поток

Закончился трепет юных сердец

Наступил в учебном году конец.

Впереди сдача гос экзаменов единых

Решение задач и уравнений трудных

Предстоит нелегкий выбор дорог жизненных

Зов романтики путей неизведанных.

Прощаие с родной школой и классоводом,

Последний гимн мы спали хором

Что скрывать, были слезы радости и грусти,

Впрочем как и слова нежности и верности.

Счастья и любви желаем мы дети наши,

Пусть сбудутся мечты и начинания ваши

Высокого полета в небе жизненном

Все мы ждем вас в доме родном.

                                                          Филиппов Роман Васильевич.

МИН ОСКУОЛАМ

Куннэтэ аайы бэт ыксалынан

Оскуолаза барабыт

Оскуола боруогун атыллаат

дьэргэс гына туьэбит

Хас эмэ сыл керсубэтэх дьон

курдук айманан

ньуу-ньаа озолордуун

мэниктээн ойобут

Чуораан тыаьын истэбэккэ

уруокка хойутуурбут

сана уерэнэр озолор курдук

ону маны одуулаан уна-ханас керен

учууталтан мезуллэрбит

Арыт ардыгар

урок буола турарын умнан

мэниктээн да барарбыт

Учуутал  кэпсиирин  истэ олорон

утуйан да ылаачыбыт

хаьан чуораан тыаьыырын

кэтэьэн да биэрээчибит

Эн бааргын мин Оскуолам

хаьан да умнуллубат куннэрдээх

дьикти бэлэхтээх

баранан  буппэт сэьэннээх

мин таптыыр Оскуолам

Эн бааргын

дьикти кестубэт алыптаах

ынырар угуйар куустээххин

мин таптыыр Оскуолам

Далыр орто оскуолатын 7 кылааһын

Үөрэнээччитэ Эрсан Васильев

Быраьаай оскуолам.

Бутэьик чугдаарар чуорааным

Лынкынас тыаьынан,

Сайыһа хаалбыта биһигини.

Оскуолабыт халлаанна

Эн тиийбит суолгунан бардахпыт биьиги.

Оскуолам быраһаай

Быраһаай оскуолам

Быраһаай оскуолам.

Эн чуораанын өссө да,

Лыҥкынас тыаһынан,

Саната турууй, өссө элбэ5и

Оскуолам быраһаай

Быраһаай оскуолам

Умсул5аннаах оскуолам,

Умнубаппын дуорааҥҥын

Аан бастаан эн тылгын.

Өруу умнуом суо5а!

                                      Семенов Спиридон Владимирович.

Бары кыттыбыт выпускниктарбытыгар олохтоох сынньалаҥ киин уонна библиотека аатыттан улахан махталбытын тиэрдэбит!